Osyǵan oraı fıtosanıtarlar dárileý jumystaryna kirisip ketti. Bıyl zııankesterge qarsy kúres sharalary Reseımen shekaralas aýdandardy qamtymaq. Sebebi, bul aýmaqtarda jibek qurttardyń taralýy shamadan tys kóp kórinedi. Búginge deıin bar-joǵy 47 gektar ormandy alqap óńdelipti.
«Zııankester qyryq kún qaıyń japyraǵymen qorektenip, kóbelekke aınalǵannan keıin jumyrtqalaıdy. Osy kezeńdi múlt jibermeý kerek. О́kinishtisi sol, kórshi elde jándiktermen kúres óz máninde júrgizilmegendikten, tóndirer qaýpi, tıgizer zalaly az emes», deıdi tabıǵat resýrstary jáne tabıǵatty paıdalanýdy retteý basqarmasynyń bas mamany Qaırolla Baıteńizov.
Bir qıyndyq týdyratyny, jibek qurttar «jaıylymǵa» keshke ǵana shyǵady eken. Sol sebepti, dárileý jumystary qas qaraıa atqarylady. О́simdik zııankesterge qarsy negizinen «Gerkýles» atty bıologııalyq preparatty qoldanylýda.
«Respýblıkalyq fıtosanıtarlyq dıagnostıka jáne boljamdar ádistemelik ortalyǵy» RMM SQOF-nyń bólim meńgerýshisi Erlik Esimseıitov dári satyp alý úshin el qazynasynan 380 myń teńge bólingenin jetkizdi.
Byltyr 3 myń gektar ormandy alqap zararsyzdandyrylǵan bolatyn.
О́mir Esqalı,
«Egemen Qazaqstan»
